सोनी सबच्या 'जिजाजी छत पर हैं'मधील पंचम बनला ड्रॅक्युला

सोनी सबवरील प्रेक्षकांची आवडती 'जिजाजी छत पर हैं' ही मालिका प्रेक्षकांना टीव्हीसमोर अगदी खिळवून ठेवणारी, त्यांना आकर्षित करणारी कथा नेहमीच देत असते. आताही या मालिकेत एक भन्नाट विनोदी घटना घडणार आहे. होळीचा सण, मजामस्ती संपत आलेली असतानाच मुरारी (अनुप उपाध्याय) इलायची (हिबा नवाब) आणि पंचम (निखिल खुराणा) यांना रंगेहाथ पकडतो.

पंचम इलायचीला किस करणारच असतो इतक्यात मुरारी तिथे येतो आणि ते दोघे जागेवरच थिजून जातात. पंचमला वाचवण्यासाठी मुरारीला गोंधळात टाकण्याचा विचार करून इलायची मुरारीला सांगते की, पंचम तिला किस करत नव्हता. खरं तर पंचम ड्रॅक्युला बनला आहे आणि तो तिचं रक्त पिण्याचा प्रयत्न करत होता. पंचमला थोडे पैसे देऊन त्याला इथून दूर पाठवण्याचा विचार मुरारी करतो. मात्र, पंचम त्याला व करुणाला (सोमा राठोड) घाबरवतो आणि त्यांच्या घरात राहू देण्यासाठी धमकावतो. यामुळे, पंचमवर वार करून त्याच्यातील ड्रॅक्युलाला संपवण्याचा निर्णय मुरारी घेतो.

मुरारीने पंचमला मारू नये म्हणून इलायची काय करेल?

मुरारीची भूमिका करणारे अनुप उपाध्याय म्हणाले, "मुरारी आपल्या मुलीला फारच जपतो आणि तो तिच्याबाबतीत फारच पझेसिव्हही आहे. पंचम तिला किस करणार असतो हे पाहून त्याला धक्काच बसतो. पंचम ड्रॅक्युला आहे, हे त्याला कळतं तेव्हा आपल्या कुटुंबाला वाचवण्यासाठी तो पंचमला ठार करण्याचा विचार करतो. पंचम ड्रॅक्युला बनल्याचं नाटक करत असताना काय-काय घडतं हे पाहणं प्रेक्षकांसाठी मनोरंजक असेल."

पंचमची भूमिका साकारणारे निखिल खुराणा म्हणाले, "पंचमसोबत नेहमीच काहीतरी विचित्र घडतं आणि इलायची सतत भन्नाट कल्पना लढवत असते. तो इलायचीला किस करत असताना पकडला जातो. त्यामुळे पंचम ड्रॅक्युला बनला आहे, असं नाटकं ते दोघं रचतात. आसपासच्या माणसांना घाबरवत असताना तो स्वत:च संकटात सापडतो. आगामी भागात प्रेक्षकांना मजेशीर घटना आणि भन्नाट हास्याचा डोस मिळणार आहे."

पाहत रहा 'जिजाजी छत पर हैं' सोमवार ते शुक्रवार रात्री ९.३० वाजता, फक्त सोनी सबवर